[vsw id=”pupmqCEOpyg&feature=youtu.be” source=”youtube” width=”630″ height=”344″ autoplay=”no”]
أَنَا مَغْرِبيّة،إسْمِـي اُلْحُــرّة
عَشْقِي لَبْلاَدِي يَجْرِي فَاُلدَّمْ
وَطَنِـي غَالِي، ورَيْتُو حَمْرَا
اعْطيَّتْ اُلِخَالَقْ،وَهّبْ وانْعَمْ
بَاهِي ورَحْبتُو دِيمَا عَامْــرَا
وحُبْ الله والمَلك هُما الشّعارْ
*****
مَغْرِبِيَّة..عَرْبِيّة،أَصْلِي غُـرَّة
حَفِيذةْ مُوْلاَيْ علِيَّ الشْرِيـفْ
صَحْرَاوِيَّة،عَلوِيّة بنتْ الصَّحْرَا
يشَرَّفْنِي الشَّمَالْ، واُلْجَنُوبْ
الشَّرقْ،واُلْغَربْ وحَتَّى الرِّيفْ
وَحْدَة بْلاَدِي فوقْ كُلْ اعْتِبَـارْ
*****
أَنَا مَغْرِبيَة،أَصَالْتِي رَاسْ مَالِي
هِيَّ عَزِّي فَبْلاَداتْ النَّاسْ وشَانِي
حَافَظْهَا الرَّحَمَانْ،بالجَّاه ْاُلْعَالِي
بْلاَدِي عْزِيزَة…وغَالْيَة
مَحْرُوسَة بعْنَايَةْ سِرْ الرَّبَّانِي
عْلِيهَا نَحْكِي لَوْلاَدْنَا بافْتِخَارْ
*****
دِيمَا أَنَامَغْرِبِيَّة،اسْمـِي اُلْحُــرَّة
صَحْرَاوِيَّة حَسَّانِيَّة لَوْنِي سَمْرَا
عْيُونِي الدَّاخْلَة والسَّاقْيَة اُلْحَمْرَا
مًقَاوَمَة وَطَنِيَّة قَهْرَتْ الإسْتِعْـمَارْ
*****
من ديوان *مَغْرِبِيَّة حُرَّة*
بقلم:شاعرة الغربة والحنين
التعليقات مغلقة.